يارب يامن جعلت الصعب بامرك يسير
يسر وجل الهموم وبامرك تزولها
سلام يالشامخ النايف وقدرك كبير
يابن الهويمل سلوم القوم وفعولها
أصبحت لديارشمران العناصي سفير
مثلت شمران واﻷحلاف من حولها
مواقفك غير يالونعم وطيبتك غير
يابن الشيوخ الذي نمشي على قولها
لاصرت في ساحة الميدان حر(ن)تغير
خيال من خيرة الفرسان وفحولها
ياأستاذنا اللي على الطالات دايم يشير
ياصيت شمران عارضها مع طولها
الشاب والشايب يحبك كبير وصغير
أشهد ويشهد كبار القوم وزحولها
أنخاك ياصافي المعدن وصافي الضمير
عد الوسايل وجهزها مع احلولها
قدام ﻻطيور شلوى بالغنايم تطير
وتصك بيبانها وتقفل اقفولها
صكات بقعا تجي من دون سابق نذير
وبقعا تعرقل خطا الأقدام برجولها
أنا مثيل الجمل سمحان يهدر هدير
أهدر ولو زادت الايام بحمولها
عندي ترى المرجلة والطيب تعن الكثير
وافزع مع القوم لادقت لي اطبولها
ومادمت في خير فحنا يالسنافي بخير
ياعزوتي نلت حب الناس وقبولها

الشاعر :

ماجد سعييد سالم الشمراني